Akela Hai

email likha mere mitr ne mujhko,
jaanu suno tum meri baat,
chalo manayein rangraliya hum tum aaj,
muhurat ka kya hai,fir kal aa jaayegi baraat.


main samajh gayi wo neech ka chela,
dikhne mein sharmeela hai,
chikni chupdi baatein karta hai,
andar se pathreela hai,
socha kise bataun iss neech ki harkat,
iss vikat samay mein kaun hai dega sath.


vichaar kiya maatha foda,
fir dauda meri akal ka ghoda,
dil ghabraya to phone ghumaya,
phone uthane suraj singh aaya,


maine kaha "hai tumhe batani ek zaroori baat",
mere boyfriend yani mere mitr ne toad di apni seema,
jo prem liya firta tha sang mein,chahe din ho chahe raat,


fir jhaadi se bahar bhediya aaya,
suraj singh ne mujhe samjhaya,
"jaane do kyun dukhi ho tum?"
"kyun sochti ho ye baat?"
"aakar mujhe poori baat batao"
"koi ghar pe nahin iss raat"


main samajh gayi, ye duniya aadamkhoro ka mela hai,
pathar ke dil ke jungle mein,ye moam sa dil kyun akela hai.

0130 hrs
10/08/2010

Haan ki Talaash

Wo muskaya mann he mann,
uska bhagwaan to keval dhan,
aas paas ke logo se karne laga bakwaas,
na na, thoo thoo jab hone lagi,
to karne laga haan ki talaash.


jab nahin mila manchaha haan,
ab dhoondhu kidhar,ab jaaun kahan,
weh jaaye jidhar,jahan kare nazar,
dhan ke bhakshi ka wahin basar,
kahin se koi chamcha aa jaaye kaash,
to kahin poori ho merri haan ki talaash.


chamcho ka ambaar laga,
tab haan ka wahan vyapaar laga,
uski wah waahi jab hone lagi,
nahi pata laga,ki sab karte thagi,
mera sach to usey kuch kadvaa laga,
per maine usey kabhi nahin thaga,
mera sach uskey dil ko choo jaata kaash,
agar mera haan paata to poori hoti uski haan ki talaash.


19/08/2010
2045hrs
from home.

Cricket

sulbha ke bache ko mauka,
cricket khilaya mara chauka,

century ne jo dhoom machayi,
bani chingari jo ruk na paayi,

kadi dhoop aur khoon paseena,
mumbai mein mushkil tha jeena,

himmat usne khoob dikhayi,
eadi choti ki jaan lagaayi,

hua selection per naam nahin tha,
kaaran poocha phir pata lagaya,
aisa hai kyunki, aayi ko kehta tha maayi.


30 nov 2009
2145 hrs
barista juhu mumbai.

BAKRE KI MAAN...

KHAIR MANAYE, SAB BATIYAAYE, SHAAM SAVERE JAB SE,
SHAAM BEGAANI , KARE MANMAANI, AAG LAGAAYE TAB SE.

SATH SATH CHALTA MULA JI KE CHADH GAYA USEY FITOOR,
MAALIK BHI APNA, EID BHI APNI, CHAAKU TO FIR HAI DOOR,
GHAAS MEIN AGAR MADIRA MIL JAAYE TO SHAAM SUHANI HO,
SHAAM SURILI BHI HO JAAYE , JO EK KAHANI HO...

EK KAHANI, BADI PURANI, JO MANN MEIN THI CHAAYI,
UCHAL UCHAL AANGAN MEIN USNEY, DOOJO KO GAA KAR SUNAYI,
GARDAN(NECK) MERI TO BADI SAFE(SURAKSHIT) HAI,KHULA HAI MERA AKHADA,
JO CHAHE AA KAR LADD LO, MAALIK MERA KASAAYI,
MAAN NE DEKHA JAB DABANG KO, TO KAHAVAT YAAD DILAAYI,
BAKRA TO BAKRA BETA, BAKRE MAAN NE KAB TAK KHAIR MANAAYI...

SUNA NAHIN USNEY TAB KUCH, MANN MEIN THA AAG KA GOLA,
BAKR-EID AATE HE MAALIK SE UCHAL UCHAL KAR BOLA,
EID MUBARAK EID MUBARAK, SHAAN TUMHARI BADH JAAYE,
EK NAHIN DO-DO PADOS KE, BAKRE BALI PER CHADH JAAYEIN...

SHAAM HUI MEHFIL PARVAAN CHADI,
LOG BAHUT AUR BHEED BADHI,
BAKRA BHI KUSH THA AAJ BAHUT,
PADOS KI MEDH THI KHAALI,
ITNE MEIN EK MEHMAAN NE BADHA DI,
MEZBAAN KE HAATH MEIN THAALI...

KYUN MIYAAN, GHAR PE BULAYA AUR MATAN NA KHILAYA,
YE KAISA TYOHAAR?
MULLA JI BOLEIN ISSE PEHLE, BAKRE KO DEKH KIYA VICHAAR,
BAKRE NE SOCHA MAALIK ADBHUT, KARTA KITNA US SE PYAAR,
GARDAN AAGE KI, KI PYAAR MILEGA,
FIR CHALI EK TALWAAR,
AAH KA BHI KOI WAQT NAHIN TO CHEEKH KAHAN SE AAYEGI,
THEEK KEHTI THI USKI MAAN, MAT HANSO DOOJO PER,
AAKHIR BAKRE KI MAAN KAB TAK KHAIR MANAAYEGI...

05/10/2009
02:50 AM

MERA BHARAT MAHAN

JAADU NAGAR KI CHAARDEEWARI, EK HIMALAYA EK KANYAKUMARI,
SUSHUPT AVASTHA MEIN HAI SARKAAR, KAUN KARE AB CHOWKIDAARI...

RAAM KE PAAS THI VAANAR SENA, HUMAREY PAAS HAIN DHAN KE POOJARI,
JAADU NAGAR KI CHAARDEEWARI, EK HIMALAYA EK KANYAKUMARI....

AANCH LAGE TO JAL JAAYENGE, AISI TO SARKAAR HUMARI,
HUM HE NETA,HUM HE SEVAK, HUM HE TO HAIN BHAGVADHAARI,

GYAN BANTA TO VAKTA SAB HAIN, KOI NA YAACHAK, NA ANUCHAARI,
JAADU NAGAR KI CHAARDEEWARI, EK HIMALAYA EK KANYAKUMARI....

PHOOLON SI SUNDAR DHARTI PER BOJH BADHAATE ATYACHAARI,
DURGANDH MEIN PARIVARTIT HOTI, MAANAVTA KI KUSHBOO SAARI,

RAAVAN KE PAG DIKHTE CHAUN OR, KAUN DISHA JAAUN..KIS OR?
GAR RAAM BACHA LO ISS YUG MEIN BHI, MAIN AATA HU SHARAN TUMHARI,
JAADU NAGAR KI CHAARDEEWARI, EK HIMALAYA EK KANYAKUMARI....


09/06/08
21:45 HRS

ELA ka MELA

Ela ek kahani do, mele ki anuchar thi wo,
Liye gubbare jaati wo, jyon umber mein lagta mela.

Hindi ka to gyan nahin, gujrati ki nahin seema,
baat to uski samajh main jaaun, bole jo zara sa dheema.

Chitrakar wo badi vichitra, jyon baayein hath ka khela,
Liye gubbare jaati wo, jyon umber mein lagta mela.

Aankhen matkati jeebh chidhati, shor machati jaati thi,
Kood faand kar jab thak jaaye, wapas ghar ko aati thi,

khava nu aap khava nu aap, zor zor chillati thi,
Jyon shan bhar ki bhi der hui, to sab idhar dhakela udhar dhakela,
Liye gubbare jaati wo, jyon umber mein lagta mela.

Shaam hui, hawa chali, wo mann hi mann muskaayi,
Hath badha maanjha keencha aur patang hawa lehraayi,

Udd na paayi jo koyi patang, to kheejh ke wapas aayi,
Raat hui thak kar wo haari, ab bistar kyun hai akela,

subah savere fir hoga shuru,ELA ka ek naya KHELA,
Liye gubbare jaati wo, jyon umber mein lagta mela.


Ela ek kahani do, mele ki anuchar thi wo,
Raat hui to so jao sab,
Subah hui to sone na degi wo.

AANCHAL

Ek kushboo purani si mehki hui,
aaj waapis hai tumhare he AANCHAL se.

Oogta hua sooraj dikhta hai ab ,
Kirney bhi aati hain baadal se.

hai guzaarish waqt ki suiyon se meri,
rakhti rahein lamho ko hifazat se.

Ek kushboo purani si mehki hui,
aaj waapis hai tumhare he AANCHAL se.

KAMI HOGI

Aasmaan ke paas sitaron ki kami hogi,
hoga gar soona jahan, nazaron ki kami hogi,

aaogi gar tum nazar to hoga kya nazara,
bujhte huye diyo ko fir kya ishaaron ki kami hogi?

oodti huyi patang par likha hoga naam tera ,
teri aasmaan aur baadlon se dosti hogi,

behta paani jaayega tham agar,
tumse he to fir dayaron mein nami hogi.

rehna yun he shaant tum, na karna shor kabhi,
vicharon mein rahogi tum chahe nazaron mein nahin hogi.

ateet ki potli saath rakhna,
shaayad rah mein tumhare, rahgeeron ki kami hogi.

YEH HAI MAYA

oodte se baadal ne...chalti hawa ne bhi...tera he aanchal dikhaya,
jab jab kaantein sahe pag mein...tujhko he dil mein paya.

ooncha sikhar... chahe kali dagar ...tu dena hathon mein haath,
pankh humare chahey kitna vichaarein...per oodna tu mere he sath.

aanand ki seema...aur sukh ka jharokha...chahey nahin tumne paaya,
per yeh hai bharosa ki hoga anokha...tumne jo sapna dikhaya.

sundar dagar pe...pathar jo barsein....
vichlit na ho...ye hai MAYA.

PATJHAD MEIN BHI SAYANI WO …..

sushkm thi pattiyan , aur patjhad tha,
patjhad mein bhi sayani wo ...

komal patte aur kathor thi shaakhein,
khilte phool ki kahani wo ...

aankh ka khulna phir bandh ho jaana,
chaand si shaant roohani wo...

komal hriday per sher ka panja,
aag lagey to paani wo...

ishq wo doondhe per mil naa paaye,
shaayar ki prem kahani wo ...

phool khile aur vasant bhi aaya,
samay bhi badla aur chaand bhi aaya,

per kal kal behta paani wo...
sushkm thi pattiyan , aur patjhad tha,

patjhad mein bhi sayani wo ...

DURJAN aur DARJAN

Balak nand kishor, harshit aur bhaav vibhor,
kehta haath thaam, pitashri chalo chalein kisi or.

hath badhaye pitah ghumaye, aisa mansukh kise thakaaye,
ghuma fira jab wo thak jaaye, baalak ne diya ek prashn thamaaye.

"pitashri"... "haan beta", "kaun hai sajjan kaun hai durjan?",
"pehchaan nahin pata hu main", "kab se utha prashn mere mann."

pitashri thoda muskaaye, soch samajh kar fir batiyaye,
hath badha disha dikha, bole udaharan bina ye samajh na aaye.

ungli uthayi disha dikhayi, "wo jo manav akela hai",
"shaant to keval lagta hai", "wahi durjan ka chela hai"


sar khujlata nand kishor, dekh raha fir chaaron or,
soch raha is ekal maanav ke,durjanta lagi kis chor.

pitah ne fir soch bhi nahin , samjha bhi nahin,
fir hath utha, ungli ghuma di aur kahin.

baalak vichlit sa hota gaya,
laga uttar kahin kho sa gaya.


tabhi avastha se behaal, bhikshu aaya jeebh nikaal,
pitah ka taraazu fir dola, ungli utha kar fir bola " YEH DURJAN HAI".


BAABUJI DO AANE DO , BHOOK LAGI,
HAALAT YEH ASLI, NAHIN KOI THAGI.

"chalo chalo aage jao",
"paise nahin, sar mat khao"

balak ne aage hath badhaya,
apna chaar aana usey thamaya.

jai ho, jai ho, bikshu chillaya,
" durjan ka beta ho kar bhi, toone dharam to khoob nibhaya".

pitah ki aankhen hui kathor,bola "beta nand kishor",
"dhyan na dena iss durjan ki or".

beta muskaya, pyaar se pitah ki goad me aaya,
bola,"durjan dekhe maine chaun or"
aap sa durjan koi nahin ganghor.

bullet badal gayi london mein

Aag lagi thi raavan mein, mujhe india ka ehsaas hua,
main bharat darshan karta hu, mujhko fir se yeh gyaat hua.

chalne ko to pair nahin, sannata sar mein chaaya hai,
jagmag karti is dashmi mein , ye kisne mann bharmaya hai.

sona jadhta ho paani sa, chahe jharne mein ag lage,
maanavta to ab parey gayi, meri bullet na daag lage.

santa banta to khoob sune, per max miller si baat kahan,
thanda hokar main jata hu, london si yahan per baat kahan.

yahan hawa nahin kahin A.C ki, kahin keechad ki bauchaar hui,
hawa lagaane chanchal mann, meri bullet chalo taiyaar hui.

hawa chali jo shimla ki, to utha yeh mere mann mein,
yun to main bharat mein hu, per meri bullet badal gayi london mein.